Kebe ke morata 01

Kebe ke morata 01

By Kgobalale Peter Moruthane

Maikemisetso a sereto:

Morago ga gore lekgarebe laka leo ke bego ke lerata le lahlegelwe ke bophelo, ke ile ka kwa ke kgwathegile maikutlo gaesale, ruri ke sa tsebe gore ke dire eng. Guile gwaba boimanyana go nna gore ke amogele tiragalo yeo. Sebotsana e be e le kgarebe yam mala wo moswana, a re ge a thoma go ntebelela ka mahlong ke thoma go ebela bjalo ka moloi a swaregile, e be ele ditsohle tsaka. Ka boripana nna le sebotsana go be go sena yo a ka rekgaogantshago le ka letsatsi la mohlolo, rebe rele ntepa le lesago. Letsatsi la mafelelo g eke mmona re be re ile go ya go epshina lifelong la diphoofolo tsa digagabi ka ntle ga teropo ya Polokwane. Ke ile ka leo le latelago mesong ka a mogela mogala gotswa go batswadi ba gagwe go ntsebisa gore bosegong bja maabane gase a lala a bo patile, ka tsela yeo oithobaletse bjo bogolo. Ke ile go kwa seo ka ela nona ya megokgo ye mehubedu tekano ya matsatsi a mararo. Ke ka tsela yeo ke ngwadilego sereto se.

Sereto:

Kebe ke morata 01

O be a re ge a nkgwatha ka kgwathega;
O be a re ge a nthalokisa ka ralokisega;
O be a re ge a nkatla ka a tlega;
O be a kgona go ntlosa bodutu dinakong tsohle;
O be a tloga a kgona go utolla bonna bjaka.

Ga bjalo ke gopola botse bja sefahlego sa gagwe;
Ke gopola botse bja seemo sa gagwe;
Botse bja botho bja gagwe;
Ke gopola bose bja lentsu la gagwe;
Leo o ka rego le apeetswe ka gare ga pitsa;
Ke gopola bonolo bja seatla sa gagwe;
Seo a bego a se sumisa go ntlaetsa.

Masuana a nkgopotsa mohlang wola re kopana;
E be ele Lamorena morago ga dijo tsa matena;
Kgwedi ele yona ya Phybjane;
Yeo e bego e swere matsatsi a mane;
Ngwaga ele wa kete pedi le tshela.

O be a phadima, a satswa go kwala kwena;
A feleletse ka diaparo tsa mebala ya matsoba;
Mmala wa gagwe wo moswana, wa lerata;
O be o phadima o benya ka gare ga matsoba ao a bego a a apere;
Ge ele sefahlego sa gagwe sona;
Sebe se legile ka gare ga nkgepetlana;
Yeo mmejana wa gagwe wa go felela ka seatleng;
O bego o feleletse ga yare ga yona.

Ke be ke mo letile ka fase ga Morula;
Ka mmona a batamela;
A thoma go takataketsa;
Ge ka pela a tla fosetsa bofofu ka fase ga morula;
Ka yeo nako pelo ya ka;
E be e rema, e thula ebile e tulatula;
Ke sa tsebe seo ke tlilego go mmotsa sona.

Ka leo letsatsi;
Kgopana ebe e lle lesela thobela;
Ka mo lebelela ge a nteba;
Ka mo tomolela mahlo ka dintakaneng tsa go phadima;
Gomme go kopaneng garena;
Ya ba goipshina ka lehlabula la marega.

O ile a ntswara;
A nkatla;
Ka moswara;
Ka moatla;
Ka molemosa ka tsela yeo a utswitsego maikutlo a ka;
Le yena a thaba kage ele seo a bego a se emetse.

Ga bjalo ke mo gopotse;
Ke gopotse go bona mokino moseong wa legano la gagwe;
Ke gopola mahlabula ohle ao re a hlabutsego mmogo;
Obe a nthabisa, ke mothabisa;
A kgona go ntsikiditla, ke motsikiditla;
Re be rele bo tshwene bomakopong;
Re kgona le go rinana dinta.

Moletemohlaelathupa ke mo gabjalo a ilego gona;
Ruri a palelwa le ke go ntshiela mokgokgothi;
Gore ke sale ke mogopola ka wona;
Ruri a palelwa k eke go ntshiela la bosuana;
Gore ke sale ke mogopola ka lona.

E fela gee le mediro ya gagwe;
Ke tla sala ke mogopola ka yona;
Ke tla mo gopola ka dinako tsohle;
Ge letsatsi lehlaba;
Le ge letsatsi le dikela.