O sentšwela kae saka
Hee wene ngwanana;
Hee wene lerato;
Sefeta ka tsela gomme wa gogela mahlo a ka kgogeding;
Kera wene wa moriri nka setsokwana sa letwsiokoko;
Wene wa fahlego sa theledi boka lesea;
Ke ra wene ngwanyana gotšwa mošwa noka ya lepelele;
Kua barego batho ba ntshe ba ipshina ka dihlapi selemo le marega;
Mo maoto a bona a phelago are gwadii!
Kere ntulele dirope ke go kuke;
Mpudulele moya ka mahlong;
Go bane ka ganong gona e kaba go nkhubatša legano;
Ntsware ka letsogo re rotoge thaba;
Re lebe mohlotswaneng wa godimo;
Mantekelekeng a thaba ya maroteng;
Mo re tlago dula ra ipshina ka manapo a dinosi.
Kgale ke go lealeetša ka mahlo o feta;
Kganthe le wene o be o tswalelega molomo;
O gegeiša maahlo, o tloga o hloka le boroko bošego;
O be o re ge o gopola kgopana;
Wa hloka boroko bošego, wa tsoga wa dula ka marago;
Wa duma ge nka kopana le wene tseleng.
O be o reng o sa mpotše ditaba tše kgale;
O be o reng o sa mphe lesedi ka bona gore ratirati o tloga o nthata;
Ke ra gona go mpontšha ka mesepelo;
Gore ke kgone go batamela ntle le go boifa.
Wene ngwanyana wa mahlo a nthetelego;
O sentšwela kae saka;
Gare ga sehlaka hlaka ke go hweditše;
Ka tšepedi wa nkamogela;
Wa mpha molatša ka lalela;
Dimpa di tletše;
Gomme ge e le marago ke dintlha.
