Badudi ba Mankweng ba bolailwe ke lenyoro

Mafelelong a beke yeo e fetilego badudi ba bolailwe ke lenyoro o šoro ka ge motse wa Mankweng o be o sena meetse.

By Kgobalale Peter Moruthane

Dipakete tšeo di bego di rwele ke badudiDitikologong tše dingwe batho banwa meetse babe ba tšholle letšatši ka letšatši ntle le go a kwela bohloko, Motse wa Mankweng ke o mongwe wa metse yeo. Efela ka labohlano le mokibelo wa beke ya go feta 14-15 March motse woo o be o omile o šoro batho ba hloka le meetse a gonwa. Badudi bare mmasepala ga se wa ba lemoša ka tiragalo yeo ya sehlogo. Go ya ka bona mmasepala o be o swanetše goba o ba boditše nako e sale gona gore ba kgone go gelella meetse ka gare ga magapa a magolo gammogo le diteramo.
“Re reka meetse, ga gona ka mokgwa wo re ka dirago ka gona” gwa realo yo mongwe wa badudi ba Unit D. Baithuti bao ba dulago ka metseng yeo ya Mankweng ya go wela ke lenyora ba laeditše gore babe ba ekga meetse ka univesithung ya Limpopo ka magapa le dipakete. “Re hlwile ka tlala ka gore ga gona meetse a go apea” gwa realo Lettah Mpete elego yo mongwe wa baithuti bao ba dulago ka motseng. “Re palela le ke goya ka ntlwaneng ya botswelamare ka gore ke mathata, ruri regakanegile” gwa realo Mpete ge a tšwela pele.

Seipone se kgonne go etela mafelo ao a amegilego gomme a boledišana le babangwe ba badudi bao babego ba rwele magapa le dipakete tša meetse. Raditaba oile go bolela le a be a swarwa ke lenyora gomme a swanelwa ke goya go kgopela meetse go bao ba šetšego ba rekile.