Baithuti! Le seke la tlaiša baithuti ka lena ka go robala le ba lekani ba lena pepeneneng!

Unibesithi ya Limpopo ka Turfloop, e ile dibekeng tše pedi tša go feta ya swara ditlhahlo tšeo di tšwetšego baithuti mohola.

By Kgobalale Peter Moruthane

Baithuti ka moka bao ba tsenago Univesithing ye, ba bile le nako ye botse ya go boledišana le batšeakarolo ba bohlokwa malebana le ditirelo tsa baithuti. Seo sedirilwe ka mokgwa wa tlhahlo le dipoledišano magareng ga batšeakarolo le baithuti. Ditlhahlo tše di thomile letšatšing la 25 February - 14 March gona ka Unibesithing. Ditlhahlo tše tša mohola go baithuti di diragaditšwe ke ba lefapa la dintlo, maano ele go tsebantšha baithuti le merero gammogo le melao ya bona ka di hosteleng. Ditlhahlo tšeo di tsenetše ke baemedi go tšwa mafapeng a mmalwa go swana le tša maphelo, tšhireletšo, tlhabollo ya dithuto, baemedi ba baithuti le ba tša merero ya baithuti.

Morena PW Moselekwa elego yena gomang ka nna ka lefapeng la tsa dintlo gammogo le mothuši wa gagwe Mohumagadi Lemekwane babe bale gona go etelela pele dipoledišano tšeo. Baithuti ba ile ba fa dingongorego tša bona malebana le go hlokega ga meetse ao a fišago ka dihosteleng. Babangwe ba baithuti le bona ba llile malebana le baletadikgoro bao ba beilwego dihosteleng tša bona ka gore ga baba dumelele ge ba tsena ka hosteleng le bagwera ba go feta o tee ba bašemane. “Rena rele baithuti re dira mešomo ya sekolo ka dihlophana, gomme dihlopha tša rena di akaretša bašemane le banenyana, re swanetše go direla kae mešomo ya rena ka gore ba gana bagwera barena ba tsena le rena ka dihostele” gwa realo yo mongwe wa baithuti yo a bego a nyaka phetolo.

Moselekwa o hlohleleditše baithuti go šomišana mmogo le bona gore batle ba kgone go dula lebaka le letelele ka dihosteleng, go bane esego bjalo ba tlile go swanela ke go phuthaphutha diporogwane tsa bona ngwaga o se wa fela. Moselekwa o tšwetše pele ka gore baithuti ba swanetše go tlogela mekgwa ya bona ya go se amogelege ya go tlaiša baithuti ka bona ka go robala le balekani ba bona pepeneneng. Go tšweleng pele gagagwe o laeditse gore kgweding ya go feta go nale moithuti yoo a išitšwego kgotla kgalemong malebana le ditiro tšeo tša go ješa dihlong pele ga batswadi bagagwe.