Selepe gomela

Selepe gomela

Wene molomo moreperepe;
Wene meno matsinketse;
Wene selepe magagaila;
Wene meno masweu mabolaya a sega;
Goma maremo a bonala.

Selepe gomela maremo a bonala;
Meloga dithito di sinamile;
Megaba makabe o tletlebolotse;
Mengana dikwata tletlebolotse;
Go mme gee le metshitsane medu o konotse.

Mesito ya gago e kwagetse maloba;
Lentsu go kokota le kwetse maabane;
Go fihla e bile mefagahlo;
Meno o tsinkeditse dintlha;
Bogale wa gagaila;
Lesego ele lekepelepe.

Gomela go rema thobela;
Sethokgwa o gagarile;
Bophuthi ba setse molaleng;
Bokgwale ba palelwa ke go tshetshetha;
Bokgaka ba palelwa ke go kekeretsa;
Ka ge o le magagaila go gagaitse naga.

Gomela thobela bohloko bo kwagetse;
Gomela dikhuru re rwele mekhumogo;
Gomela magetla re rwele di kimelo;
Bohloko re bo apere;
Ge ele marumo ona kgale re a swalalantse.