Ruri ke a itshola

Ruri ke a itshola

By Kgobalale Peter Moruthane

Ke itoma leleme;
Ke itsipa kgafetsa kgafetsa;
Ke a tshatshamela;
Ke hlohlonelwa nako le nako;
Ruri ke a itshola thobela.

Kgogeding gona o nkgogetse;
Gona gare gare swiswing la kgotlompo;
Morago rago moseong wa dithagwaragwane;
Gona gare gare ga mafogohlo a diropo;
Gare gare moseo wa di dula fase.

Ka lebaka la bonolo bjaka;
Ke ile ka nolofala;
Ka itira sekwakwalala;
Ka leka go tsena ka gare;
Ka ba ka sobelela le ka wa mannapanyane.

O mpontshitse tsa moseo ntshobelele;
Ntakana tsaka tsa nyaka go foufala;
Ge ele molato wa tswa ka kgoro;
Bothata ya ba thetsego;
O mpuletse ntshobelele;
Ka be ka tsena le ka menwana ya maoto.

Lehono ke otile;
Ba mpitsa ka maina;
Ke bitswa Tsodio;
Boitsholo bokaka ya rite thaba;
Le ge selemo ele ngwagola;
Gomme nkabe ele ngwana morago.