Ke serumula

Ke serumula

Ke Serumula marumulane;
Ke sesu matupelele;
A rego go tupa;
Motse ka moka wa tupelelwa.

O nthumotse ke ituletse;
A ntshela ka maraga;
A ntupisetsa ka musi wa mokuelela;
Ka a ra mela,
Ka beta pelo;
Le ge ke ekwa gore ka gare e bina malopo;
E bile e tlantla makgakgasa.

Ke be ke dutse ka marago pankaneng;
Ke bala pukwana ka direto tsa marato;
A tsupologa botsupologo;
A thumila, a ntshumela mosi wa serumula;
Ka homola ka tswalela molomo nna mahomolane.

Lenna lege kele mahomolane;
Bonna kenale bjona;
Kage thabeng tsa leolo ke boile ke tlotse ka letsoku;
Go modumella a nkgotla ka mafuri nkaseke;
Go modumella a nkapesa ditomo nkaseke.

Lereng bjalo le sola nna;
Lereng le sola nna mola le motseba ale serumula;
Le a motseba ke sfehlefehle;
Se fehla pitsa ya megafa banna kgorong;
Ntlogeleng gase maikemisetso a ka;
O nthumutse, a ntupisetsa musi wa mokuelela.