A re boeleng setsong

A re boeleng setsong

Setso ke segagaborena;
Setso ke bohwa;
Setso ke bophelo;
A re boeleng setsong;
Re boeleng gagaborena;
Masuping a putswa tsabo rare.

Hleng sebjalobjalo o kare se are paella;
Goreng o kare re thoma go hlahlatha hlathing;
Gomme tsela re e lebeletse ka tse pedi dintaka;
A re boeleng setsong bana ba loko la mantsho.

Bo rare babe ba ipshina ka dijo tsa thaba;
Ba ipshina ka diphoofolo;
Ba tsoma ebile na bitswa marema;
Go be go sebja ka dithatha;
Lebese ele la go itia dihlaa;
Go mme tsatsile marema;
A wetse sa gotswa Phuti sethokgwa;
Ka gae go be go dirwa mokete;
Go a peiwa digola le ditlhako tsa basadi.

Go be go sena tshiwana;
Go be go sena tseba;
Go be go ngwathelanwa;
Go phathelanwa;
Ele gona go phethagatsa la mogologolo;
Ge a be a re bana ba motho ba ngwathelana kotwana la tsie.

Sekgowa sona re lekile thobela;
Re lekile goithuta polelo gammogo le sona setso sa bona;
Sa rena ra lahla ra tshima ge babangwe ba phutha;
Re ithutile gomme padipadi ya ba go palelwa.

Malwetsi re kgothile re ikgothetse;
Mathata re biditse re ipileditse;
Gee le dillo tsona di kaka ditsikitlano tsa meno;
Batho re melelane a dipolai kage lenaba ele yona seleng.

Are boeleng setsong bana ba Thulare;
Re efogeng malwetsi;
Re nweng mero;
Re phureng dipeu;
Re tloleng matsoku;
Re latsweng dilatswalatswane;
Re be re feleletse ka go aramela mesi ya digagabi le diphofi.