Ke be ke morata 02

Ke be ke morata 02

Letsatsing la mathomo leo re kopanego ka lona;
E be e tloga ele letsatsi ngwana kgosi;
O be a tloga ale yena wa go nosa a mokgako;
O be a tloga a swanelwa ke go tlisetswa dikgomo;
Ke ra bona bo Khulwane le bo Maruamaso;
Kei le go dula le yena fase letsatsing leo;
Ka bona go sena bokaone bja gore di fihle ga malekgolane, mohlaletse maroteng a mahwibidu.

Di feditse di fihlile tsebeng tsa babinaNoko;
Kgorong tsa banna gona ga malekgolane;
Kei le go fihla gona, ka tshela Phaahla ka tsona;
Gomme ka go tshaba bojato;
Phaahla a biletsa Pheladi khutamong;
Mo ke bonego hlogo tsa bona di thoma go biloga;
Gee le madi a bona a thoma bina matlampule;
Ka yeo nako pelo ya ka e be e ntula ka matswele.

Bja gagwe ke be ke bone gore gase ka swanela go dikologa seolo;
Ke bone gore ge nka dikologa seolo;
Nkatla ka hwetsa selemo ele ngwagola;
Nonyana e fofile, seatla ke khuparetse mafofa;
O be a swana le pheta ya thaga;
A etsa bjalo ka dinaledi tsa legodimo;
O be ale mpho ya Modimo yeo a nthagetsego yona.

O se nkwele theko wene;
Ware nna ke bolela tsa ka morago ga seatla;
Ya ka hlogo ere tswee, e bile ke ye tswaana;
Ge ele gore ga o tshepe seo;
Go na o tla botsisa dinonyana;
O se ke wan kwela thoko;
Ware nna ke bolailwe ke tshehlana ya mabele;
Ware nna ke bolailwe ke moswang wa matuba.




Aowa!
Ge ele gore o gopola tseo ka moka;
Go na o nkwetse sekeleng wene ngwana mokgalabje;
Gee le gore o gopola tseo ka moka;
Go na ke wene o bolailego ke tshehlana mabele;
Nna seo ke lekago go go botsa sona ke gore;
Ke be ke ekemiseditse go mo dira ngwetsi ya mmane.

Agee!
A nke le mpontsheng bana ba tsie kgalaka;
Hleng lehono mokgolokwane wola wa maloba;
O kare o tla fetoga dillo;
A hleng lesego lela la maloba la lekepekepe;
O kare le tlile go palesa dithamo tsa bagaditsong;
Afa dintakana tsa ka di mpontsha thereso;
Goreng lefase o kare le tlile go mela maoto gona fa.

Gape ruri tseo ke di bonego ke aretse;
Ruri Lebogang o ephetositse pere;
O tloga a ephetositse ya lehlaka thobela;
Ruri mpontsheng bagesu;
Motho so o gare oa kgatha, o kare o goga keriki;
Lebogang o ephetositse ya lehlaka bathing.

Yo a bego a ka we tsa bofofu gonna tsatsing leo;
O be a tlile go rothisa mogokgo wa madi;
Bale babego bare ke bolailwe ke tshehlana maloba;
Lehono ba eponetse gore goreng ke be ke bolela;
Bale ba be go bare ke kgwele wa matuba ba kae;
Hleng lehono ba itswere megono.

Lebogang o ya godimo lefase godimo ga motho;
Lebogang o eterile pere yeo e gogago kariki ya go hloka mabilo;
O gagara lefase ka patolo;
O ya mathoko ohle;
O khunama ka matolo;
O dira kwatana masemong;
O kwaela ka mokokotlo;
O dira dilo tsa go gana go fela.
Ke ile ka fetsa le pelo;
Gore ke swanetse go ekgata dinao;
Seo se ilego ke ye go mo hlola;
Se ile sa busa sare ke boele morago;
Pelo yaka e rotha madi.

Maloba le maabane bao ba ephetositsego ntepa le lesago laka;
Ba ile ba leka go mpotsa ka bophelo bja lebo;
E fela ka go re lebe le sa fisa;
Ke ile ka fetsa le pelo;
Go re ke bo lahla ke tope;
Lehono ke a ba gopola;
Seo se mpaledisago go robala;
Ke gore morago gae key a go ba botsa eng.

Lebogang o kgotlile kgotli-kgotli ka gare ga pelo yaka;
O thubolotse mothopo wa madi;
Ke be kere kotse nna le yena retla dira sehlaga;
Ra beela mae rabe ra phaphasa mafotwane;
Efela lehono ke bone ya gagwe mebala;
Ke ithotile tse ntshi ka yena.

Sa gagwe sello gonna;
Ke kosa yeo e ntumisago go bina;
Ke moropa wo o nkgopotsago kosa ya masoboro;
Go llela go nna ke goitshenyetsa nako;
Megokgo ya gagwel
E nkgopotsa bose bja dinwamaphodi letsatsing la moketeko wa letsatsi la ka la matswalo.