Ga se la motloga pele

Ruri ke a lebotsa;
Leseke la tshoga;
Leseke la hlephisa;
Leseke la ngala;
Leseke la ikgogela morago;
Go bane ga se la motloga pele.

Ba mosile mengwageng ya go feta;
Ba kganyela;
Ba huba dikudumela;
Ba kganyela ka la mmutle;
Efela a nanya boka maanaile;
A nanaila a bobama ge ba feta;
A hloka le matswenyego.

Ba fetile ka lebelo;
Ba kganyela bas a buse mahlo morago;
Ba sega ba ahlamisitse melomo;
A lebeletse ga botse;
A gata ka boya;
A phaela kgakala malala a kwaetse;
Go mme ba mo sega bare o a palelwa.

Lehono ba fahlilwe;
Ba paletswe ke go fihla;
Ba hlabilwe ke malala a kwaetse;
Ba sepetse ka tsejana e sele;
Ba wetse tsa batho dib a kwesitse bohloko.

O fihlile bokhutlong morwa motho;
O a pere swana marena;
O a swanelwa o a tsatsaila;
O gata ka boya, o a nanaila;
Meno go bonala a mashoeu;
O gahlanetswa ka mekgolokwane;
Lesego e ba lekepelepe.

Ba lebelo la matlogapele ba saretswe;
Ba binetse moropa pele o lla;
Bah labile lesata pele ngwetsi a tsebiswa;
Lehono ba hloname;
Ba sinne meno go tsena dilabi;
Makopo a ba imela;
Maoto a tletse ka malala a kwaetse.
Se tshoge ge ba go sia;
Wa re ba ntlogeletse ke gona ke setse;
Wa re ke setse kele nnosi;
Lehu o lebagane le la pitsana;
Aowa tsela ke e tee;
Ka moka reya go fihla;
E nyaka hloko le hlokomedisiso.