Senkgate direthe

Senkgate direthe

Mangadi ke ngadile;
Matepe ke tepeletse;
Kere kotse o tla nkatologa;
Manganga o ngangabane;
Molala o phetlile;
Mantsu gao bolele o a tswa.

Hle ntlogele wene;
Ntlogele wene nkakarapa ya mosadi;
Hleng bangwe ba kgoba goja;
Hleng bangwe ba kgona go nwa;
Gobaneng nna o mpaledisa;
O se nkgate direthe.

Go nkgata o nkgatile;
Dinao tsa ba ditatapue;
Go gata ka nanaila;
Mesito ya ka ya ba samaloba;
Go thulwa di thutswe;
Gomme ka gare gwa tswa a masweu.

Go lokile go lekane;
Tsa gago ke dikwele;
Bja gago bobe ke bo kwele ka ka mmele;
Ka ge ka ditsebe ke kwele ka se kgolwe;
Ka mahlo ke bone go bela gagago;
Ebile ke bone go hubala ga mahlo a gago.

Bo rare le bo mme ba go lemile;
Ba go tlogetse ba go tlogeletse batho;
Gomme lehono makoko o a rwele ka magetla;
Boikgantsho o bo dira lesedi;
Go sepela ke boganka;
Mpholo o bonala lelemeng la gago.

Wa gago mpholo gonna ke sa maloba;
Thibela malwetsi ke hlabetswe;
More mogolo se kgwakgwarapetsa magaga dithaba ke nwele;
Kotse ya mosate se kona ntlhana tsa marumo ke swere;
Ka diatleng ke khupareditswe diemadirile;
Go mme phatleng ke tloditswe ka a retse.

Nteke wene ngwana mosadi;
Nkgate dikgato bjalo ka maloba;
Ge o be o bolaisa batswadi baka ditatapue;
Nna thuto e mphele bohlale;
Gomme ga go motho yo a ka tlago ka mahlajana;
A busa a mphenya.