Bohloki bo rekisa batho maswi a gobola

Maswi ao a rekilwego o soro a go bola: EXP Date: 23 April 2008

Ka lebaka la go namelela ga theko ya dijo letsatsi ka letsatsi ka mono nageng, batho bao ba itlhokelago ba ikhwetsa ba le batswa sehlabelo ba tlala, kudu badudi ba dinaga magaeng. Go tiiseletsa se, badudi ba dinaga magaeng go swana le Mankweng, Solomondale, Boyne, Nobody, Moletji, Leboakgomo le bo Ga-Maja, ba hlwile ba iphepa ka maswi a lebese ao a bego a rekiswa ka boema ditekisi ka Polokwane letsatsing la 2 June.

Babangwe ba batho bao ba ikgonago ba reka mabenkeleng

Monna tsoko yo go kwagalago gore ke mo dudi wa Polokwane o be a rekisa maswi a lebese ao a bodilego gomme a sa botse lesaba leo gore maswi a bodile, yena o be a botsa batho gore maswi ao ke a Long Life a ka setsogile a senyegile. Batho baile ba baka maswi ao ka ponyo ya leihlo kage a be a tshiphile. Di phakhethana tse tharo tsa 500 ML e be e le diranta tse hlano feela. Bao ba bego ba dibonela pele ba laeditse gore maswi ao go bontsha a ka be a lahlilwe ke beng ba mabenkele ka ge a bodile gomme banna ba tsa kgwebo ya mebileng bona ba itopela go ya go rekisa.

“Maswi a a bodile, ga se a swanelwa go lewa, kgalegona o ka hwetsa kae maswi a go tshipha so, diphakethana tse hlano tsa Long Life ka diranta tse hlano? Wo ke mohlolo” gwa realo yo mongwe wa batho bao ba bego ba bogetse ge go bakwa maswi a go bola. Gee le bao ba bego ba reka gase nke ba nyaka go theeletsa ge gothwe maswi a bodile. “Le a khora, le bona ge le nale salena, rena re reka gona mo ka gore ka mabenkeleng a a turwa ebile re ka se a fihlelele” gwa realo moreki yo a bego a phathekgile maswi.

Go ya ka letsatsikgatiso la go bola ga maswi le 23 April 2008.